POLA, Oriental Mindoro — Isinagawa ngayong Sabado, Setyembre 5, ang Information Caravan with One-Stop Shop of Government Services sa Manuel M. De Castro Sr. Memorial Auditorium sa Pola, Oriental Mindoro.
Inorganisa ng Philippine Information Agency (PIA) Oriental Mindoro, layunin ng aktibidad na ilapit sa mga residente ang libreng serbisyo mula sa 13 ahensya at organisasyon ng pamahalaan.
Kabilang sa mga serbisyong iniaalok ang National ID at birth registration, police at NBI clearance assistance, PhilHealth at SSS services, legal consultation, libreng binhi at planting materials, fingerlings, coconut seedlings, DICT digital services, Pag-IBIG assistance, at DTI Negosyo Center services.
Hinikayat ang mga Poleño na samantalahin ang caravan ngayong araw upang maasikaso ang kanilang mga pangangailangan nang hindi na kailangang bumiyahe nang malayo.
Source: PIA MIMAROPA