An mga residente kan Calabanga, Camarines Sur na naghahanap nin maasahan na katuwang sa pagsasaka o sustenableng paraan nin transportasyon, pwede nang magrenta nin anoman sa apat na karabao na pag-aari kan Team Grande Sustainable Livelihood Program (SLP) Association.
Naging posible ini matapos ilunsad kan grupo an proyekto nin pagpaparenta nin karabao gamit an P160,000 na seed capital asin mga pagsasanay na ipinagkaloob kan Department of Social Welfare and Development (DSWD) Field Office V – Bicol Region. Sinabayan an pagsugod kan operasyon nin inauguration ceremony na pinangunahan kan DSWD-SLP staff asin dinaluhan kan mga representante kan Municipal Government of Calabanga, kabilang an Municipal Treasurer’s Office asin Municipal Agriculturist Office.
Kasabay kan paglunsad kan negosyo, an apat na karabao kan asosasyon narehistro man asin nabigyan nin brand bilang pagtiyak sa legal na pagkilala asin pagmamay-ari sa mga ini.
Sa bilog na Bicol Region, padagos an pangunguna ni Regional Director Norman Laurio sa pagpapakusog kan mga panginabuhayan kan mga magsasaka asin mangingisda, na kinikilala an mahalagang papel ninda sa pag-unlad kan bansa—lalo na sa pagpapauswag kan food security asin ekonomiya. An dedikasyon na ini sa padagos na pag-empower sa sektor kan agrikultura kaagid kan mga direktiba ni Secretary Rex Gatchalian asin mga socioeconomic priorities ni President Ferdinand “Bongbong” Marcos Jr.