LEGAZPI CITY—Liwat na nagkundusir nin protesta an transport group na PISTON sa Cubao, Quezon City asin Alabang katakod kan pagkondena sa liwat na paglangkaw kan presyo nin produktong petrolyo.
Segun ki PISTON President Mody Floranda, sa intrevista kan Bombo Radyo Legazpi, nagkakawsa kaya ini nin panibagong pasakit sa mga driver na kun sain lalo ining nakaapektar sa saindang nakukuang ganansya.
Pagdoon niya na dakula suboot na ganansya an nawawara sainda urog na oras na naglalangkaw an presyo kaini.
Dugang ni Floranda pwedesir pang mautro an protesta en kaso liwat na magpadagos pa an paglangkaw kan presyo nin produktong petrolyo.
Mientrastanto, pangapudan kan opisyal na maghanda pa sa mga masunod na pagwelga siring man an pagpapanimbag sa mga persona na imbuelto sa kurapsyon.
Source: Bombo Radyo Bicol