LEGAZPI CITY-Padagos an pagpapahiling nin halangkaw na aktibidad kan Bulkang Mayon, kun sain nairehistro an panaka-nakang minor Strombolian activity sa crater kaini.
Susog sa datos kan Philippine Institute of Volcanology and Seismology, padagos an pagbuga kan Bulkan nin lava sa Basud, Bonga, asin Mi-isi gullies.
Nai-report man an nasa 123 volcanic earthquakes kaiba an 26 volcanic tremors, 22 harmonic tremors, 251 rockfall events, asin 5 pyroclastic density current signals o “Uson”.
Nakapag-release man an bulkan nin nasa 1, 676 tonelada nin Sulfur Dioxide Flux sa kada aldaw poon kan Abril 15, 2026.
Mientras tanto, mahigot man giraray an patanid kan Phivolcs na ibitaran an paglaog sa 6-km Permanent Danger Zone mantang nagtetenir sa Alert Level 3 an Bulkang Mayon.
Source: Bombo Radyo Legazpi