Umarangkada muli ang Tarabangan Caravan ng Ako Bicol Partylist, dala ang libreng serbisyong medikal kamakailan sa Munisipalidad ng Tiwi, Albay.
Nasa 500 benepisyaryo mula sa 16 na barangay ang natulungan ng aktibidad handog ang libreng check-up at gamot mula sa Tanchuling General Hospital. Limang benepisyaryo ang nahandugan ng wheelchair mula sa Free Wheelchair Mission ad Children International Philippines Inc.
May libreng gupit, masahe at nail care na hatid ng Eve Gate Academy at Solar Panel Installation Demo training ang itinuro naman ng San Francisco Institute of Science and Technology ng Malilipot, Albay.
Naglunsad din ng local recruitment activity ang SWI, at may bigay na tinapay ang Gardenia Bakeries Philippines Inc. Naging katuwang din ang Freeda Napkin, Mogu Mogu, Kabarro, at Beybi Ko. Buo rin ang suporta ng Philippine Army, Bureau of Fire Protection (BFP) at Philippine National Police (PNP).
Lubos naman ang naging pasasalamat ng Ako Bicol Partylist sa mga ahensya na tumulong at patuloy na tutulong sa Tarabangan Caravan at sa lahat ng programa ng Ako Bicol PartyList.
Source: Ako Bicol PartyList