LEGAZPI CITY-Nakahanda na an mga personahes kan Legazpi Public Safety Office (PSO) kaiba an Philippine National Police (PNP) katakod kan selebrasyon kan Ibalong Festival, kun sain magkakaigwa nin Grand Job Fair sa Lunes, Agosto 17, 2026.
Segun kay Public Safety Office Legazpi Chief Octavio Rivero, sa intrevista kan Bombo Radyo Legapzi na dai magduwang isip na maghagad nin tabang sa PSO personnel asin PNP sa mismong venue kan nasabing job fair.
Ikokondusir ini sa August 17, 2026 poon alas 8:00 nin aga hasta alas 3:00 nin hapon sa Ibalong Centrum for Recreation, Legazpi City.
Idedeploy man suboot an mga PSO personnel sa iba pang event sa ciudad para sa Ibalong Festival.
Nakahanda man suboot sindang magtao nin asistensya sa mga malaog sa ciudad orog na pag-abot sa traffic management.
Naka-full force na man suboot an mga personahes ngani matawan nin seguridad an mga mapartisipar sa Grand Job Fair sa ciudad
Source: Bombo Radyo Bicol