Nagluwas nin opisyal na pahayag an Philippine National Police (PNP) sa pamumuno ni Police General Jose Melencio C. Nartatez Jr., Chief, PNP, manungod sa shooting incident na nangyari sa Ateneo de Zamboanga University–Junior High School Department sa Tumaga, Zamboanga City kan Martes, Agosto 18, 2026.
Habang padagos an imbestigasyon, hinihikayat an publiko na dai magpakalat nin mga retrato, video, o impormasyon na dai pa napapamatud-an tanganing malikayan an pagkalat nin maling impormasyon.
Padagos man an Police Regional Office 9 asin Zamboanga City Police Office sa pagtipon nin impormasyon asin ebidensya tanganing matukdo kun ano an totoong nangyari asin mapamatud-an an mga detalye kan insidente.
Pinaaalalahanan man an publiko na puwedeng magbago an ibang detalye habang padagos an opisyal na imbestigasyon. Hinihikayat an gabos na magsalig sana sa opisyal na pahayag kan PNP, eskwelahan, asin iba pang kinauukulang awtoridad para sa tama asin mapagkakatiwalaang impormasyon.