Sa pamumuno ni Regional Director Allan Castillejos asin Assistant Regional Director Vincent Nato, padagos na pinapakusog kan LTO Region V an saiyang kampanya para sa edukasyon sa road safety paagi sa regular na pagsasagawa kan Theoretical Driving Course (TDC) para sa mga aspiranteng drayber sa entero Bicol Region.
Ginigiyahan ini kan mga direktiba ni Department of Transportation (DOTr) Secretary Giovanni Z. Lopez asin LTO Assistant Secretary Markus Lacanilao tanganing maseguro na an gabos na partisipante may sapat na kaaraman manungod sa mga batas trapiko, road safety practices, asin responsableng pagmaneho.
Kaagapay ini kan adbokasiya kan administrasyon ni Ferdinand Marcos Jr. sa pagpapakusog kan disiplina asin responsibilidad sa kalsada.
Padagos man na nagtatao an LTO Region V nin oportunidad sa mga maabot na motorista tanganing magin kabali sa pagbuo nin mas ligtas asin mas responsableng komunidad.