LEGAZPI CITY-Maapektaran kan rotational power supply interruptions an suplay kan tubig sa Legazpi City Water District makalihis an anunsyo kan National Grid Corporation of the Philippines (NGCP).
Paliwanag ni Legazpi City Water District General Manager Rico Salazar, sa intrevista kan Bombo Radyo Legazpi na apektado na an suplay maski pa dai nag-deklara an Aleco asin NGCP nin isyu sa power suplay o consumer demand.
Naghihingoa man an saindang ahensya na magkaigwa nin suplay alagad igwang mga ulang sa pagtatao nin pressure para sa bastanteng suplay.
Huli digdi, nagkakaigwa nin kadifisilan sa suplay kan tubig sa Mabinit, Bonga, asin Buyuan.
Paliwanag niya na maski yellow alert ini, harani sa contingency requirement na kaipuhan asin maluya an bentahe, orog na sa norte na mga barangay.
Sinabi kan opisyal na naeeksperyensyahan an maluyang boltahe nin kuryente asin ini an saro sa mga dahilan kun nata nadididisilan sinda mag-suplay nin tubig.
Minapalsok man suboot an pump, asin bako episyente an generator ninda ngani maakomodar ini.
Alagad, pigsierto ninda na igwa na nin pondo para digdi asin naka-linya na an procurement ngani magkaigwa nin marhay na sistema.
Source: Bombo Radyo Legazpi