LEGAZPI CITY- Aminado an Schools Division Office Albay na suportado ninda an ipigbubusol kan mga kapwa paratukdo na dagdag sahod para sa nasabing sektor.
Ini makalihis an ginibong pagmamartsa kan nagkapirang grupo nin mga paratukdo ngani na ipangapudan an P15,000 across the board wage increase.
Segun ki Albay SDO Spokesperson Froilan Tena sa intrevista kan Bombo Radyo Legazpi na suportado ninda an nasabing pangapudan kun para ini sa ikakarahay kan mga paratukdo.
Aminado an opisyal na dakulang tabang kun enkasong maaaprunaran an nasabing pangapudan na dagdag sweldo urog pang dae maiibitaran na nagagastos an mga paratukdo nin kwarta na hali sa sadiring bulsa para sa nagkapirang pangangaipo kan saindang mga estudyante.
Sinabi ni Tena na nasasabutan niya an sitwasyon na difisil na pagba-budget kun kakarampot sana an sahod kan mga nasa sektor kan edukasyon.
Source: Bombo Radyo Legazpi