An Department of Social Welfare and Development (DSWD) Field Office V – Bicol Region nagpoon na nin pagpanagi nin Cash Relief Assistance para sa mga tricycle driver sa probinsya kan Camarines Norte kan ika-16 nin Abril 2026.
Maabot sa 1,930 an mga drayber na makakarecebe nin tig-₱5,000.00 bilang tabang pinansyal tanganing mabawasan an epekto kan pagsaka nin presyo nin mga produktong petrolyo dulot kan nagaganap na hidwaan sa Gitnang Silangan.
Kaiba sa mga benepisyaryo an mga drayber hale sa mga banwaan nin Capalonga, Basud, Mercedes, San Lorenzo Ruiz, Talisay, Vinzons asin San Vicente.
Sabay-sabay na ginibo an pagtao sa LGU Capalonga Covered Court, Borabod Covered Court sa Daet, asin sa TVM Sports Complex sa Talisay, Camarines Norte.
Sa paggiya ni Secretary Rex Gatchalian, an Cash Relief Assistance para sa mga public utility drivers pinapatuman ngunyan nin DSWD sa irarom kan programang Assistance to Individuals in Crisis Situation (AICS), kaiba an lokal na gobyerno asin an Land Transportation Office (LTO).
Sa direktiba ini ni President Ferdinand Marcos Jr. na dai na dapat maaloy an paghatod nin napapanahong ayuda sa mga sektor na apektado an kabuhayan huli sa presenteng krisis.
An DSWD Bicol, sa pamumuno ni Regional Director Norman Laurio, padagos na nagseserbi nin may “extra love” asin “extra care” para sa mga Bicolanong nangangaipuhan.