Iniulat ng Department of Health (DOH) na 63 kaso ng tinatawag na “super flu” ang naitala sa buong bansa at lahat ng pasyente ay gumaling na, ayon sa datos hanggang Disyembre.
Ayon kay DOH spokesperson Assistant Secretary Albert Domingo, wala ring naiuulat na nasawi dahil sa naturang sakit, at hinihintay pa ng ahensya ang update kung may aktibong kaso sa kasalukuyan.
Nilinaw ng DOH na ang “super flu” ay hindi bagong virus kundi isang variant ng Influenza A, at ang mga sintomas nito ay kapareho lamang ng karaniwang trangkaso, gaya ng ubo, sipon, lagnat, at pananakit ng katawan.
Dagdag ng DOH, karaniwang sumasabay sa pagbabago ng panahon, lalo na tuwing Enero, ang paglitaw ng mga kaso. Samantala, boluntaryo pa rin ang pagsusuot ng face mask bilang pagpapakita ng malasakit sa kapwa.
Source: https://mb.com.ph/2026/01/12/63-super-flu-cases-logged-all-patients-recovered-doh