LEGAZPI CITY- Uminarangkada na an mga aktibidad kan Legazpi Schools Division Office kasabay kan national teachers month.
Segun ki Legazpi Schools Division Office Spokesperson Santi Araña sa intrevista kan Bombo Radyo Legazpi na pigtatawan nin pagbisto an papel kan mga paratukdo sa paghubog kan futuro kan mga jovenes bilang futuro kan nacion.
Napag-araman na dakol an mga nakalinyadang mga aktibidad para sa bilog na bulan.
Mientras tanto, inihayag ni Araña na saro sa mga magayon na bareta na saindang naresibe iyo an promesa ni Legazpi City Mayor Hisham Ismail na dugang na benepisyo para sa mga paratukdo.
Inihayag suboot kan alkalde na dudugangan an nareresibe na financial assistance kan mga paratukdo sa ciudad tuyong Disyembre alagad sa presente wara pa nin pinal na kantidad para digdi.
Segun sa opisyal na dakulang tabang para sa mga paratukdo an nasabing suporta hali sa lokal na gobierno.
Source: Bombo Radyo Bicol