LEGAZPI CITY- Nagpahayag nin matinding pagkontra an sarong grupo nin mga paraoma sa propuesto na halion an taripa sa mga pig-aangkat na mais.
Marurumduman na garing ipig-suhestyon an lakdang ki Presidente Ferdinanad Marcos Jr. kan makipag olay ini sa mga business executives ngani na mapababa suboot an presyo kan urig asin manok sa merkado.
Segun ki Federation of Free Farmers Chairman Leonardo Montemayor sa intrevista kan Bombo Radyo Legazpi na an mais an saro sa mayor na input cost sa livestock asin poultry sector.
Sinabi kan grupo na nagluwas sa saindang pag-aadal na hibaba na an presenteng taripa sa mais na nasa 5% na sana kumparar sa ibang mga nacion na nasa 15% an pigbabayadan.
An nasabing taripa suboot an nagtatao nin diit na proteksyon sa mga lokal na magmamais sa nacion.
Sinabi ni Montemayor na basado sa pagkakarkulo, nasa 2 million an mga corn farmers sa bilog na Pilipinas asin nagpo-produsir na nasa 7 million metric tons o katumbas ng 7 billion kilo nin mais kada taon, asin dakula an mawawara sa mga ini kun hahalion an taripa sa imported na mais.
Pigkakarkulong nasa P12 billion an pagkalugi sa mga lokal na mga magmamais.
Source: Bombo Radyo Legazpi