Habang abala an nasyon sa pagdaraos kan ika-49 na ASEAN Summit, padagos man na nagbabantay an mga pulis sa lambang kalsada, eskina asin lugar na dinadaanan kan mga delegado. Sa likod kan maayos asin ligtas na pagtitipon kan mga lider kan mga nasyon, iyo an kapagal, kawaran nin tulog asin sakripisyo kan mga pulis na parating dai napapansin kan publiko.

Imbes na makapahuway sa komportableng lugar, may mga pulis na napipiritang magpahingalo sa gilid kan kalsada habang naghahalat kan sunod nindang katungdanan. Sa tahaw kan ingay, kalagasan asin kapagal, ginagamit ninda an kada oportunidad tanganing makapagpahingalo maski kadali bago giraray tumindog asin magpadagos sa pagbabantay.

Maski dai nakikita sa mga opisyal na retrato asin seremonya an saindang mga sakripisyo, mahalagang parte an mga ini sa matagumpay na seguridad kan ASEAN Summit. Para sa mga pulis, an pagbabantay bako sana simpleng pagtuman sa katungdanan kundi pagpapahiling nin dedikasyon, disiplina asin malasakit tanganing masigurado an kaligtasan kan lambang delegado asin mga residente.

Leave a Reply

Your email address will not be published. Required fields are marked *