Pinatotoohan kan Philippine National Police (PNP) sa irarom kan liderato ni PGen Jose Melencio C. Nartatez Jr., Chief, PNP, na nakalatag na an gabos na kaipuhan na lakdang asin pwersa tanganing maseguro an seguridad, katoninongan, asin kaligtasan kan publiko asin mga delegado para sa maabot na Association of Southeast Asian Nations (ASEAN) Summit.
Segun sa pamayo kan nasyonal na pulisya, ribo-ribong mga tauhan an ipapakatap sa mga pangenot na lugar na gigibohan kan mga pagtiripon, sa mga ruta na aagihan kan mga convoy, asin sa mga hotel na dadagosan kan mga lider kan nasyon asin iba pang haralangkaw na opisyal.
Apuera sa pisikal na presensya kan mga pulis sa tinampo, pinakusog man kan PNP an saindang intelligence monitoring, cyber-security measures, asin pakikipagtabangan sa iba pang ahensya kan gobyerno siring kan Armed Forces of the Philippines (AFP), Philippine Coast Guard (PCG), asin Metropolitan Manila Development Authority (MMDA).
Kasabay kaini, nananawagan an PNP sa publiko na makisumaro asin magin mapagmasid. Ineenganyar an mga namamanwaan na tulos na ipaisi sa pinakaharaning istasyon kan pulisya an ano man na makadududa na hiro o bagay sa saindang palibot, asin planohon nin amay an saindang mga byahe tanganing malikayan an abala sa linalaoman na pag-gabat kan bulos kan trapiko.