LEGAZPI CITY—Makalihis an nakatalaang closed fishing season kan sira na ‘galunggong’, saro sa mga pigkakahaditan kan grupo nin parasisira an pag-import kaini asin an demand sa commercial fishing vesssels.
Segun ki Pambansang Lakas ng Kilusang Mamamalakaya ng Pilipinas (Pamalakaya) Chairperson Pando Hicap, intrevista kan Bombo Radyo Legazpi, dakula an magigin epekto kaini sa mga saradit na parasisira na naghihingoa sana sa kabuhayan ninda digdi.
Urog na nasa 50% na parasisira an napiritang magpundo sa paglawod ngunyan na taon puon kan naglansar nin giyera sa Iran na nagkawsa nin paglangkaw sa presyo kan produktong petrolyo.
Pangapudan kan grupo na mantang warang problema sa pagpapaotob kan closed fishing season alagad dapat igwa nin programa an gobierno na makakatabang sa direktang maaapektaran kaini.
Source: Bombo Radyo Bicol