Naging matrayumpo an ipigkondusir na Nationwide Simultaneous Earthquake Drill na ginibo sa Department of Education Bicol sa Barangay Rawis, Legazpi City.
Pinangenotan an aktibidad kan Office of the Civil Defense Bicol, katabang an iba pang mga ahensya de gobierno.
Sa saiyang mensahe, tinawan duon ni OCD Bicol Director Bernardo Fortez Jr. na warang instrumento an makakapagtaram kun sain o nuarin matama an sarong makusog na linog kaya importante an kahandaan kan mga namamanwaan.
Paliwanag kan opisyal na an preparasyon an dae dapat pigpapasipara huli ta nini an makakapagsalar nin buhay kan mga namamanwaan.
Ipinagirumdom man kan opisyal an tamang kaaraman sa Duck, Cover, and Hold tuyong igwang pagyugo.
Mientras tanto, afuera sa earthquake drill, kaibanan man sa pinaghandaan an posibleng huma kan tsunami.
Nasukol man an medikal na kahandaan kan mga imbweltong ahensya sa panahon kan emerhensya.
Source: Bombo Radyo Bicol