Tinabangan kan Overseas Workers Welfare Administration (OWWA) Bicol an sarong Overseas Filipino Worker (OFW) na nag-abot hale sa Abu Dhabi sa Bicol International Airport (BIA) sa Daraga, Albay kan Oktubre 24, 2026. Kabali ini sa padagos na paghihingoa kan ahensya na masigurong ligtas asin maayos an pag-ulì kan mga OFW na nangangangaipo nin tabang asin giya pag-abot ninda sa Pilipinas.
Personal na inalalayan kan mga kawani kan OWWA Bicol an OFW pag-abot kaini sa paliparan tanganing masigurong maayos an pagbiyahe kaini pabalik sa Barangay San Isidro, Baao, Camarines Sur. Nagtao man an ahensya nin kakanon bilang kabali sa saindang serbisyo asin pag-ataman. Kabali sa mga personnel na nagtao nin tabang kaining si Ms. Mayan P. Trilles, OWWO IV; Nurse Noel Nuelan; asin Mr. Jeffrey Manalang, driver.
Padagos na isinusulong kan OWWA Bicol an pagtao nin madagkaon na tabang, pagmalasakit, asin suporta sa mga OFW na nagbabalik sa bansa, partikular sa mga nangangangaipo nin airport assistance. Paagi sa mga serbisyong ini, ipinapahiling kan ahensya an importansya kan pagtinarabangan asin pag-ataman sa mga manggagawang Pilipino sa ibang bansa, bilang pagkilala sa saindang mga sakripisyo asin dakulang ambag sa saindang pamilya asin sa satuyang nasyon.
Source: https://www.facebook.com/share/p/19an9SKEbT/
Panulat ni: PCpl Doxie Charesse C Casasos