Padagos na tinatawanan kan Department of Social Welfare and Development (DSWD) sa paagi kan Pag-abot Program an dating Individual in Street Situation (ISS) tanganing masigurado an padagos na pagbangon kaini asin an pagbabalik sa normal na pamumuhay. Kan Oktubre 13, 2026, sa Barangay Motherlode, Jose Panganiban, Camarines Norte, tiniyak kan ahensya na padagos na makakakua an benepisyaryo nin pansamantalang urukyan habang nag-aadal-agad na man giraray na magin matatag sa buhay.
Sa pamumuno ni Regional Director Norman S. Laurio, pinagkalooban an benepisyaryo nin pinansiyal na tabang sa irarom kan Transitory Shelter Assistance (TSA) na gagamiton sa pagbabayad kan upa sa urukyan haleng Oktubre sagkod Disyembre kan taon na ini. Kaiba man kaini an iba pang mga interbensyon na naglalayong tabangan siyang makabangon, magin produktibo, asin matugunan an pang-adlaw-adlaw na pangangaipo. An mga programang ini nagpapahiling kan padagos na pagmawot kan DSWD na magtao nin oportunidad sa mga indibidwal na gustong magbago asin magtugdok nin mas marhay na buhay.
Segun sa direktiba ni DSWD Secretary Rex Gatchalian, padagos an mga pag-aghat asin pag-ako sa mga aki, indibidwal, asin pamilya na nag-aatubang nin mga pagsubok sa lansangan tanganing makalayo sinda sa mga peligro asin makakua nin mas ligtas na palibot. Paagi sa Pag-abot Program, pinapalig-on an pagtao nin suporta asin angkop na mga serbisyo sa mga taong nangangailangan, tanganing mabuksan an oportunidad para sa mas matatag na pamumuhay asin mas marhay na kinabukasan.
Kaiba sa mithiin kan administrasyon ni Pangulong Ferdinand “Bongbong” Marcos Jr. an pagsegurado na mayo nin maiiwan sa pag-abot sa mas marhay na kinabukasan, na may dignidad, oportunidad, asin paglaom. Sa padagos na suporta kan DSWD, inaasahan na an mga benepisyaryo makakapagsarig liwat sa saindang sadiri, makakapagpadagos sa buhay, asin makakalikay sa kahirapan asin kawaran nin oportunidad. An Pag-abot Program sarong paagi nin pagtao nin paglaom asin oportunidad sa mga tawo na gustong magpoon liwat asin magtugdok nin mas marhay na buhay para sa saindang kaugmaon.
Source: https://www.facebook.com/share/p/1D2Re4Vjvk/
Panulat ni: PCpl Doxie Charesse C Casasos