Pinalalakas ng Police Regional Office MIMAROPA (PRO MIMAROPA), sa pamumuno ni PBGEN Christopher R. Dela Cruz, ang koordinasyon sa mga paaralan, pamilya, barangay, at lokal na pamahalaan sa pamamagitan ng Project POPULAR (Police-to-Population Ratio) upang mapahusay ang seguridad sa mga paaralan at komunidad.
Layunin ng proyekto na mailapit ang mga pulis sa publiko sa pamamagitan ng regular na pakikipag-ugnayan sa mga barangay, pagbisita sa mga komunidad, at pagbibigay ng madaling paraan upang maiulat ang mga banta o kahina-hinalang aktibidad.
Inatasan ni PBGEN Dela Cruz ang mga police unit sa rehiyon na agad tugunan at suriin ang mga lehitimong security concerns, partikular ang mga maaaring makaapekto sa kaligtasan ng mga mag-aaral.
“When concerns are reported early, the police and our partners have a better opportunity to assess the situation and take the appropriate action. “We call on our communities to remain vigilant, responsible, and engaged with their local police because protecting our children and keeping our schools safe is a responsibility we must share,”pahayag ni RD Dela Cruz.
Hinikayat niya ang mga estudyante, magulang, guro, at iba pang miyembro ng komunidad na agad iulat ang mga mapagkakatiwalaang banta at kahina-hinalang aktibidad sa pamamagitan ng mga itinalagang police, school, o barangay channels.
Pinaalalahanan din ang publiko na beripikahin muna ang impormasyon bago ito ibahagi, lalo na ang mga ulat na may kinalaman sa mga menor-de-edad.
Patuloy namang palalakasin ng PRO MIMAROPA ang pakikipagtulungan sa mga paaralan at komunidad upang mapanatiling ligtas ang mga lugar kung saan nag-aaral at namumuhay ang mga mamamayan.