Nagpasalamat si Police General Jose Melencio C. Nartatez Jr., Chief, Philippine National Police (PNP), sa gabos na kapulisan na matutom na nagtuman kan saindang katungdan paagi sa pagpapahiling nin halangkaw na lebel nin propesyonalismo, disiplina, asin pagpugong sa sadiri mantang mapayapang pinangasiwaan an public assembly na inorganisar kan United People’s Initiative sa nagkakaibang parte kan nasyon na naganap kasuudma, Hulyo 19, 2026. Ipinahiling niya ini mantang ginibong Traditional Monday Flag Raising Ceremony kan aga nin Lunes, Hulyo 20, 2026 sa Camp Crame, Quezon City.
Segun ki CPNP Nartatez, dakula an saiyang pagpasalamat asin pagdayaw sa sakripisyo, pagtiis, asin dedikasyon kan lambang pulis na nagtindog tanganing maprotektaran an katoninongan asin kaayusan mantang ginarespeto an katungod kan mga mamamayan na ipahiling an saindang mga boses sa mapayapang paagi. Sabi niya, “I commend each one of you in carrying your duties with professionalism, discipline and restraint.”
Igwang man sinabi an PNP Chief na an naturang tagumpay sarong pamatuod kan marigon na pagkakaisa asin matibay na paninindugan kan kapulisan sa pagserbi sa banwaan. Paagi sa saindang kalmadong paglihok, pagkamainot, asin responsableng paggibo, ipinahiling ninda na an pagpapatuman kan ley puwedeng magkaibaon sa pagrespeto sa dignidad asin mga katungod kan lambang Pilipino.
Nagpasalamat man si CPNP Nartatez sa gabos na personnel na dai nagsasawa sa pagserbi maski haros na mga pagsubok an saindang inatubang. Ginparangal niya an saindang kagahodan asin dedikasyon, asin hiningyo sinda na padagos na ipahiling an marhay na ehemplo nin matutom, disiplinado, asin makataong pagserbi tanganing mapadagos an katoninongan asin ikaorag kan nasyon.