ODIONGAN, Romblon — Pormal na inilunsad ng Romblon State University (RSU) ang Project PAG-IBIG at Family Empowerment Center (FEC) noong Hunyo 3 upang magbigay ng child care at iba pang support services para sa mga estudyante, empleyado, at solo parent.
Pinangunahan nina RSU President Merian P. Catajay-Mani at CHED Commissioner Michelle Aguillar Ong ang pagbubukas ng pasilidad, na magsisilbing ligtas na lugar para sa pangangalaga at paggabay sa mga anak ng mga magulang na nasa trabaho o klase.
Ayon sa mga opisyal, layunin ng programa na suportahan ang kapakanan ng mga bata, kababaihan, at solo parent sa pamamagitan ng pakikipagtulungan sa iba’t ibang ahensya ng pamahalaan. Bukas ang Family Empowerment Center tuwing Lunes hanggang Biyernes at maaaring magamit ng mga estudyante, empleyado, at iba pang miyembro ng komunidad.
Source: PIA MIMAROPA