LEGAZPI CITY-Nagpadara an Department of Labor and Employment (DOLE) nin nasa 19,000 workers gikan sa Tulong Panghanapbuhay sa Ating Disadvantaged/Displaced Workers o TUPAD ngani magtabang sa paghahanda kan pampublikong mga eskwelahan sa Bicol Region sa pagbubukas kan klase sa aga, aldaw nin Lunes, Hunyo 8.
Segun kay DOLE Bicol Regional Director Imelda Gatinao, sa intrevista kan Bombo Radyo Legazpi na dakula an itinaong suporta kan ahensya sa DepEd huli sa agreement kan kalihim kan duwang departamento ngani suportaran an pagbabalik eskwela.
Kun sain haros 5,827 beneficiaries an natabangan sa Camarines Norte para sa 254 na eskwelahan o nasa 3,853 na mga klasrum.
Nasa 6,523 naman an mga benipisyaryo sa Albay na kompuesto kan 484 na eskwelahan o 7,040 classrooms.
Mientras tanto, nasa 5,326 naman an mga beneficiaries sa Masbate, asin nabenipisyuhan man kan programa an 262 classrooms sa Camarines Sur, 398 classrooms sa Catanduanes.
Dugang pa kan opisyal na nag-abot sa labi 103 Milyon an suporta kan ahensya para sa isinagibong Brigada Eskuwela.
Source: Bombo Radyo Bicol