Padagos an distribusyon kan relief packs sa mga pamilyang apektado kan pag-alboroto kan Mayon Volcano sa banwaan kan Guinobatan, tanganing maseguro na may sapat na ayuda asin suporta an mga residente na naapektuhan kan sitwasyon.
Personal na nag-asikaso sa pagdi-dispatch kan mga nagaabot na relief packs si Ann Gemma Ongjoco tanganing maseguro na madara ini sa mga benepisyaryo asin sa mga pamilyang nangangaipo nin tabang sa banwa.
Sa tabang kan lokal na gobyerno, mga volunteers, asin iba’t ibang donors, nagin organisado asin tuloy-tuloy an pamamahagi nin relief goods sa mga evacuation centers asin komunidad na apektado.
Nagpasalamat man an alkalde sa mga donors asin volunteers na padagos na nagtatao nin suporta asin pakikiiba para sa komunidad, lalo na sa panahon kan pangangaipo.
Ayon sa alkalde, dakulang tabang an pagkakaisa asin malasakit kan kada sektor tanganing malampasan an mga pagsubok na dala kan kalamidad.
Padagos man an panawagan sa publiko na magin alerto asin sumunod sa mga advisories kan lokal na pamahalaan asin mga awtoridad para sa kaligtasan kan gabos.