LEGAZPI CITY-Nagpatanid an Bureau of Fisheries and Aquatic Resources Bicol sa mga namamanwaan mapadapit sa peligro sa salud kan mga decomposing sea animals asin creatures na napapadpad sa mga baybayon.
Segun kay BFAR Bicol Spokesperson Rowena Briones, sa intrevista kan Bombo Radyo Legazpi na delikado ini sa tawo huli sa “odor” kan pag-decompose.
Pigenganyar man kan opisyal na dai mag-rani sa mga decomposed na species na ini kun warang mga otoridad.
Enkaso man igwang manotaran na siring kaining sa baybayon, kaipuhan na ipaaram sa mga local authority, arog kan municipal agricultural office, marines, coast guard asin iba pang partner agencies.
Dagdag pa kan opisyal na dakula an role kan mga tawo sa mga napapadpad na mga species sa baybayon ngani maibalik ini sa saindang natural habitat nin ligtas.
Kadaklan suboot sa mga nai-stranded na mga species, posibleng kawsa kan pagka-sabod sa mga lambat, nababangga kan mga darakulang vessel, o kaya kawsa kan polusyon sa kadagatan.
Mientras tanto, nag-kokondusir na nin mga paagi an lokal na gobierno katuwang an saindang ahensya ngani tuluyang ma-dispose an nadukayang Balyena sa Viga, Catanduanes.
Padagos man an pagbabarewas nin impormasyon kan ahensya mapadapit sa mga endangered species na marine asin sea animal asin pig-eenganyar an publiko na magin responsable sa pag-ataman kan satuyang kapalibutan.
Source: Bombo Radyo Legazpi