LEGAZPI CITY-Nagkulang nin 20% an tourist arrivals sa Albay kumparar kan ikaduwang kwarter kan nakalihis na taon susog sa datos kan Albay Provincial Tourism.
Segun kay Albay Provincial Tourism Culture and Arts Office (PTCAO) Head Dorothy Colle sa intrevista kan Bombo Radyo Legazpi na nagkulang nin 45,000 tourist arrivals ngonian na enot na kwarter kan presenteng taon.
Sinabi kan opisyal na magpapadagos pa ini huli sa epekto kan krisis sa transportasyon, paglangkaw kan presyo kan langis asin kan mga barakalon.
Piglalaoman man ninda na dai maaabot an accomodation usage asin check-ins sa probinsya arog kan nakalihis na taon.
Katakod kaini, pig-eenganyar an publiko na mag-move sa mga tourist destination sa Albay ngani padagos man liwat an economic activity.
Padagos man suboot an pag-promote kan ahensya sa saindang mga social media para sa mga bagong destinasyon gamit an manlain-lain na promotional materials ngani ma-enganyo an mga turista na magbisita sa probinsya.
Source: Bombo Radyo Legazpi