Plano ng Food Terminal Inc. (FTI) na direktang bumili ng sibuyas mula sa mga magsasaka sa Occidental Mindoro upang masuportahan ang kanilang kita at makatulong na mapanatiling abot-kaya ang presyo ng sibuyas sa merkado.
Inilahad ang panukala sa isang consultative meeting kasama ang mga magsasaka at stakeholders noong Marso 5 sa Magsaysay, Occidental Mindoro. Layunin ng programa na matiyak na makatatanggap ng patas na farmgate price ang mga magsasaka habang napapanatili ang sapat na suplay ng sibuyas para sa mga mamimili.
Tinugunan din ng inisyatiba ang kakulangan ng cold storage facilities sa lalawigan, na nagiging dahilan upang mapilitang ibenta agad ng mga magsasaka ang kanilang ani sa mababang presyo.
Sa pamamagitan ng direktang pagbili at mas maayos na pag-iimbak, inaasahang mas mapoprotektahan ang kita ng mga magsasaka at maiiwasan ang biglaang pagtaas ng presyo ng sibuyas sa merkado.