Hinihikayat ng mga opisyal ng edukasyon sa Bicol ang mga mag-aaral, lalo na ang mga mula sa pamilyang kabilang sa Pantawid Pamilyang Pilipino Program (4Ps), na samantalahin ang mga programang tulong ng pamahalaan upang maipagpatuloy ang kanilang pag-aaral.
Sa ilalim ng Project Patuloy na Edukasyon, Patuloy na Pag-Ahon (Project PEPA), magsasagawa ang iba’t ibang ahensya ng information caravan sa mga senior high school upang ipaalam sa mga graduating students ang mga scholarship, grants, at iba pang tulong pinansyal na maaaring nilang makuha.
Layunin ng programa na mabigyan ng sapat na kaalaman ang mga mag-aaral tungkol sa mga oportunidad sa kolehiyo at teknikal na edukasyon upang matulungan silang makapagplano para sa kanilang kinabukasan.
Ayon sa mga opisyal, ang edukasyon ang susi sa pag-angat ng buhay at pagharap sa mga hamon ng buhay.
Source: PIA Bicol