CORON, Palawan — Isinailalim sa Blue Alert status ang Emergency Operations Center (EOC) ng MIMAROPA Regional Disaster Risk Reduction and Management Council (RDRRMC) bilang paghahanda at tuloy-tuloy na pagbabantay sa isinasagawang 44th ASEAN Capital Market Forum sa bayan ng Coron, Palawan.
Pinangungunahan ng Office of Civil Defense (OCD) MIMAROPA ang EOC operations katuwang ang mga kinatawan mula sa Bureau of Fire Protection (BFP) MIMAROPA, Armed Forces of the Philippines–Western Command (AFP-WESCOM), Department of Social Welfare and Development (DSWD) MIMAROPA, Police Regional Office (PRO) MIMAROPA, Department of the Interior and Local Government (DILG) MIMAROPA, Philippine Air Force (PAF), Department of Health (DOH) MIMAROPA, Philippine Coast Guard – Coast Guard District Palawan, at Department of Public Works and Highways (DPWH) MIMAROPA.
Ayon sa OCD MIMAROPA, ang mga nakatalagang EOC personnel ay naka-duty 24/7 hanggang sa matapos ang forum at lahat ng kaugnay na aktibidad upang matiyak ang maagap na koordinasyon at agarang pagtugon sa anumang emerhensiya.
Ang paglalagay sa Blue Alert status ay patunay ng kahandaan at sama-samang pagsisikap ng RDRRMC MIMAROPA na tiyakin ang kaligtasan at seguridad ng mga delegado, kalahok, at ng lokal na komunidad sa panahon ng naturang internasyonal na pagtitipon.
Source: https://www.facebook.com/pia.palawan/posts/pfbid0LLXmFnw9EhEPmM1A2wXZby5KQ9oaTzhBMxaP3pMg5nLBxfAqdHP9YKhVPEQornTil