Sa tulong ng koordinasyon ng Pamahalaang Bayan ng Abra de Ilog at ng Philippine Army 2nd Infantry (Jungle Fighter) Division, agad na nasuri at nabigyan ng kaukulang gamutan ang nasagip na Filipino-American na si Chantal Anicoche matapos ang mga engkwentro noong Enero 1 sa Occidental Mindoro.
Ayon kay Municipal Health Officer Dr. Mianne Airish Hernandez, si Anicoche ay may ilang kagat ng insekto ngunit walang malubhang sugat o palatandaan ng pang-aabuso. Pinuri naman ng Army ang mabilis na tugon ng LGU at iginiit na malinaw ang transparency at pagtutulungan sa pagtiyak sa kaligtasan at dignidad ng mamamayan.
Muling tiniyak ng Philippine Army ang patuloy na pakikipagtulungan nito sa mga LGU upang tugunan ang mga usaping makatao at pangkomunidad.