Nagbigay ng tulong ang Department of Social Welfare and Development Field Office V (DSWD FO V) sa tatlong pamilya, na may kabuuang 13 indibidwal, na naapektuhan ng insidente ng sunog na naganap sa Purok 1, Barangay Oro Site, Legazpi City, Albay nito lamang Setyembre 23, 2024.
Dalawang bahay ang ganap na nawasak, habang ang isa ay nagtamo ng bahagyang pinsala. Kasalukuyang nagpapatuloy ang malalimang imbestigasyon ng Bureau of Fire Protection (BFP) sa sanhi ng sunog. Sa kabutihang palad, walang naiulat na nasugatan o nasawi.
Ang ahensya ay naghatid ng tulong sa mga apektadong pamilya, na kinabibilangan ng dalawang Family Food Packs (FFPs) at isang set ng non-food items tulad ng hygiene kits, kitchen kits, family kits, sleeping kits, at 10-meter laminated sacks. Sa kabuuan, ang DSWD Bicol ay nagbigay ng Php19,875.15 halaga ng tulong sa mga apektadong pamilya.
Dagdag pa rito, ang mga pamilya ay makakatanggap ng suportang pinansyal na Php10,000 sa pamamagitan ng programang Assistance to Individuals in Crisis Situations (AICS) ng Departamento.
Source: DSWD Bicol