Nagsagawa ng isang demonstrasyon ng Automated Election System (AES) ang COMELEC sa Edward S. Hagedorn Coliseum sa Puerto Princesa City noong Agosto 15, 2024.
Ito ay pinangunahan ni Chairman George Erwin M. Garcia ng Commission on Elections (COMELEC), kasama ang iba pang mga opisyal ng COMELEC at iba pa.
Layunin nito na magbigay ng kaalaman sa iba’t ibang sektor ukol sa AES upang matiyak ang isang maayos at episyenteng proseso ng eleksyon sa darating na Mayo 2025.
Naging aktibo ang pakikilahok ng mga estudyante, mga opisyal ng barangay, at mga kinatawan mula sa pamahalaang lungsod, munisipalidad, at probinsya.
Naging mahalagang bahagi ng kaganapan ang mga opisyal mula sa Pamahalaang Panlalawigan, kabilang sina Executive Assistant II Marlo Villena, Executive Assistant II Noly S. Gabriel, at iba pang mga opisyal mula sa Tanggapan ng Gobernador.
Ang demonstrasyon ay nagsilbing mahalagang plataporma upang masanay ang mga stakeholder sa teknolohiya ng AES, na nagpapalakas ng pangako para sa isang tapat at mapagkakatiwalaang proseso ng eleksyon sa 2025.
Sa huli, ang kahalagahan ng mga ganitong inisyatiba ay upang matiyak ang kumpiyansa at aktibong pakikilahok ng mga botante sa demokratikong proseso.
Source: PIO Palawan