Nagkabit ang Department of Science and Technology (DOST) ng hybrid solar energy system sa pasilidad ng paglikha ng maiinom na tubig sa Barangay Pinamihagan, San Jose, Romblon upang mabawasan ang gastusin sa kuryente at matiyak ang tuloy-tuloy na operasyon nito.
Ayon kay Engineer Richard Cawaling ng DOST Romblon, nagmula ang proyekto sa kahilingan ng lokal na pamahalaan noong 2025 matapos mapansin na malaking bahagi ng kita ng pasilidad ay napupunta sa pagbabayad ng kuryente at iba pang gastusin sa operasyon.
Inaasahang makatutulong ang paggamit ng solar energy upang mapababa ang gastusin ng pasilidad at mapanatili ang maayos na paghahatid ng malinis at ligtas na inuming tubig sa mga residente ng nasabing barangay.
Source: PIA MIMAROPA