Nagconducir ang DSWD, katabang ang MSWDO kina MAO, ning Emergency Cash Transfer (ECT) payout para sa mga apektadong paraoma san Camalig bilang ayuda laban sa mga epekto ning pagalburoto ni bulkang Mayon. Ginibo ang payout nganang Huwebes, Mayo 14, 2026, sa Camalig Command Center (CCC) sa Brgy. Salugan, Camalig, Albay.
Kada benepisyaryong paraoma nakaresibe ning Php 10,230 bilang suporta sa sayndang panguraldaw na pangangaypo, basado man sa mandatos san gobyerno na matabangan sindang makabwat gilayon git sa perwisyo san pagtikdag ning makapal na abo na nagkawsa ning distroso san sayndang mga produkto kina pagkatigbak san mga alagang hayop. Sa kabilugan, 841 na paraoma ang naakomodar san ECT payout.
Padagos man ang koordinasyon san lokal na gobyerno kina DSWD para masiguro na dakul pang asistensya ang umabot bukon sana para sa sektor ning agrikultura, kundi pati man sa ubos na apektadong pamilya sa banwa.