Humakot ng medalya ang dalawang batang Palaweño na nakipagtagisan sa ginanap na 5th Asian Open Schools Invitational sa Assumption University sa Bangkok, Thailand nito lamang Pebrero 2025.
Anim na gold medals, isang silver at isang bronze ang nasungkit ni Alonzo Lukas Del Moro Dela Rosa na tinanghal din Most Outstanding Swimmer para sa Men’s 7 years old category. Nagwagi ang batang Dela Rosa sa mga sumusunod na events: Gold – 50m Butterfly, Gold – 50m Backstroke, Gold – 50m Breaststroke, Gold – 50m Freestyle, Gold – 50m Freestyle (Prelim), Gold – 100m Freestyle, Silver – 50m Freestyle Kickboard, Bronze – 50m Butterfly Kickboard Swimmer.
Pasok naman sa iba’t ibang places ang 13 taong gulang na si Eithan Drake Del Moro Jaurigue. Nakuha niya ang 5th place sa 50m Breast, 6th place sa 50m Freestyle, 6th place sa 100m Breaststroke, 8th place sa 100m Freestyle, 5th place sa 200m Breast, 8th place sa 200m Free at 2nd place sa 200m Individual medley.
Ang dalawang swimmers ay pambato ng Begin to Swim ni Coach Tinii Cayetano sa Thailand, bilang bahagi ng Swim League Philippines Warriors Delegation.
Source: The Palawan Times