Nagpahayag nin kahandaan an lokal na gobierno kan Legazpi City na magtabang sa National Food Authority (NFA) enkasong kaipuhan kaini, sa tahaw kan pagpapabakal nin P20 kada kilo na bagas sa mga vulnerable sector.
Alagad sinabi ni Legazpi City Mayor Hisham Ismail na sa presente, wara pa nin koordinasyon sainda an ahensya.
Paliwanag kan alkalde na igwa na naka-assigan sa Murang Bigas Program kun sain nagbabarewas kaini iyo an Food Terminal Incorporated (FTI).
Marurumduman kaya na dakol an nag-aagrangay, partikular an mga senior citizens hali sa ciudad, huli sa suboot kawaran nin matanos na polisiya sa pila asin proseso kan pagpapabakal nin baratong bagas.
Napag-araman na dakol na mga benepisyaryo an nagpipila banggi pa sana ngani na maaprobitsaran an nasabing programa.
Source: Bombo Radyo Legazpi