Nasagip kamakailan ng dalawang residente ng Barangay Trece Marites Casiguran, Sorsogon ang isang babaeng Green Sea Turtle o pawikan na may habang 80 cm at lapad na 69 cm matapos na ma-trap sa isang fish corrals.
Sa pagtutulungan ng Department of Environment and Natural Resources (DENR), kasama ang LGU Casiguran, Municipal Environment and Natural Resources Office (MENRO) at Municipal Disaster Risk Reduction and Management Office (MDRRMO) tiniyak munang nasa mabuting kalagayan ang pawikan bago ito pinakawalan sa natural nitong tahanan.
Itinuturing na critically endangered species ang nasabing pawikan, ayon sa Deparment of Environment and Natural Resources (DENR) Administrative Order (DAO) No. 2019-09 o Updated National List of Threatened Philippine Fauna sa ilalim ng Republic Act No. 9147 o “Wildlife Resources Protection and Conservation Act”.
Dahil dito, pinaalalahanan ng DENR ang publiko na ipagbigay-alam sa kanilang ahensya ang ganitong uri ng insidente para sa wastong pangangalaga ng mga pawikan at iba pang hayop.
Source: Ako Bicol Online TV