Dakulang kasadyaan asin paglaom an idinulot kan pamamahagi nin ayuda pinansyal kan Department of Social Welfare and Development (DSWD) Field Office V – Bicol Region sa 100 benepisyaryo kan Project LAWA asin BINHI sa banwaan kan Calabanga, Camarines Sur, kan Hunyo 23, 2026.
Sa pamamayó ni Regional Director Norman Laurio, ipinamahagi an kabuuang ₱870,000 bilang sahod para sa mga partisipante kan 20-Day Cash-for-Training asin Cash-for-Work activities, kun saen an kada benepisyaryo nagdara nin ₱8,700 na magagamit para sa mga pangangaipo kan saindang pamilya.
Dakulang tabang ini lalo na ngunyan na harani na an pagbukas kan klase. Kaibahan sa mga nakatanggap si Jeffrey Encila Combate, 37 anyos na construction worker hale sa Barangay Dominoroc, Calabanga. Bilang ama na may mga aki pang nag-aadal, dakula an kahulugan kan natanggap niyang sahod para sa pang-adlaw-adlaw na pangangaipo kan saindang harong.
Siring pa niya, dakula an saiyang pasasalamat sa DSWD sa oportunidad na itinao sainda. Bukod sa pinansyal na tabang, nagkaigwa man sinda nin oportunidad na makilahok sa mga aktibidad na makakatabang sa pangmatagalang seguridad sa pagkakan asin pangkabuhayan, arog kan pagpapatukdo nin fishpond asin pagtatanom nin mga gulay.
An Project LAWA asin BINHI sarong programa na naglalayong palakason an kakayahan kan mga komunidad sa pag-atubang sa epekto kan pagbabago kan klima, kasabay kan pagtao nin oportunidad sa trabaho asin pagsasanay sa mga bulnerableng sektor.
Kaagapay ini kan adbokasiya ni Pangulong Ferdinand Marcos Jr. na mapadama an kalinga kan gobyerno sa mga nangangailangan, sa paagi kan mga programang nagtataguyod nin seguridad sa pagkakan asin pangmatagalang pangkabuhayan sa pangunguna ni DSWD Secretary Rex Gatchalian.
Sa paagi kan mga inisyatibang arog kaini, padagos na ipinapahiling kan DSWD an saiyang dedikasyon sa pagtao nin paglaom asin mas marhay na oportunidad sa mga pamilyang Bikolano.
Source: https://www.facebook.com/share/p/1DGAkXdphh/