LEGAZPI CITY—Nangapudan an lokal na konseho kan Barangay Bagacay, Legazpi City sa mga residentes kaini na makisumaro sa mga lakdang nganing makalikay sa helang na dengue.
Segun ki Kap. Dennis Alamo kan nasabing barangay, sa intrevista kan Bombo Radyo Legazpi, saindang pig-aabisuhan an mga residentes na maglinig kan saindang kapalibutan.
Dugang kan opisyal na nakatalaan man sindang magkundusir nin fogging sa eskwelahan sa masunod na semana.
Siring man, nangapudan man ini sa mga magurang na dae na pagpaluwason an saindang mga aki urog kun banggi na asin mahigot sinda na ipag-monitor.
Mientrastanto, pagdoon kan opisyal na nakapreparar man an saindang opisina sa pagtugon sa kaso nin dengue.
Source: Bombo Radyo Bicol