Nagkaigwa nin pagkakataon an mga personnel kan DOLE Bicol na makamusta asin mag-welcome ki Labor Secretary Francis N. Tolentino sa ginibong Monday Program asin Flag Ceremony.
An pagbisita kan Kalihim nagpakusog sa komitment kan Departamento na padagos na mapakusog an pakikipag-ugnayan sa mga regional workforce asin masigurado na an mga programa, polisiya, asin serbisyo kan DOLE pirming nakaangay sa pangangaipo kan mga trabahador na Bicolano.
An sabi ni Secretary Tolentino, “Ano man an mangyari sa satong ekonomiya, an DOLE kabtang asin dakulang parte kaiyan. Kaiba kamo. An mga ginigibo niyo asin gagibohon pa, kabtang bako sana kan pagpaplano kan iba-ibang rehiyon, kundi kan bilog na kapuluan. Kamo an nagbibigay nin mukha asin lawas sa Department of Labor and Employment.”
An pagtitiripon naghatag nin bagong inspirasyon sa DOLE Bicol na padagos na ipagtanggol an katongdanan asin kapakanan kan mga trabahador, magtaguyod nin marahay asin makabuluhang empleo, asin ilapit an kalidad na serbisyo sa lambang Bicolano worker. Sa sararong katuyuhan, padagos an DOLE Bicol sa matinud-anon, may pagmalasakit, asin dedikadong paglilingkod sa komunidad.