Halos nasa 30 na mga magurang hali sa Albay, kaiba an mga empleyado kan Department of Health Bicol Center for Health Development (DOH Bicol CHD), an bug-os pusong nagpaimmunisa kan saindang mga aki tumang sa Tigdas bilang pakikiisa sa Kick-Off kan Ligtas Tigdas Measles-Rubella Immunization Activity (MR SIA).
Pinangunahan ni Assistant Regional Director Dr. Joel H. Buenaventura an pagbukas kan nasambitan na aktibidad na ginibo kan Agosto 6, 2026 sa Healthy Lifestyle Complex kan DOH Bicol CHD.
Sa saiyang mensahe, tiniyak ni Dr. Buenaventura sa mga magurang na an bakuna tumang sa Tigdas nag-agi sa masusing pagsusuri asin padagos na minomonitor tanganing masiguro an kaligtasan asin bisa kaini para sa lambang aki na mababakunahan.
Pormal na isasagawa an Ligtas Tigdas MR SIA sa bilog na Bicol Region sa Agosto 10-28, 2026. Inaanyayahan an gabos na mga magurang asin tagapag-ataman na darahon an saindang mga aki na edad 6-59 na bulan tanganing mabakunahan.
Makipag-ugnayan sa saindong Provincial, City o Municipal Health Office, Rural Health Unit, o Barangay Health Station tanganing maaraman an iskedyul kan pagbabakuna sa saindong lugar.