CALAMBA CITY, Laguna — Paghahandaan ng Department of Trade and Industry (DTI) CALABARZON ang paglahok ng 50 micro, small, and medium enterprises (MSMEs) sa ika-13 KALAKAL CALABARZON Regional Trade Fair na gaganapin mula Hunyo 24–28, 2026 sa Glorietta 2, Makati City.
Sa temang “Likha ng CALABARZON: Galing Lokal Hanggang Global,” layunin ng trade fair na maipakita ang kalidad at kakayahan ng mga produktong lokal mula sa Cavite, Laguna, Batangas, Rizal, at Quezon para sa mas malawak na pamilihan sa bansa at ibang bansa.
Itatampok sa aktibidad ang iba’t ibang produkto tulad ng pagkain at inumin, handicrafts, fashion accessories, home décor, wellness products, at iba pang lokal na gawang produkto. Ayon sa DTI, patuloy nitong isinusulong ang paglago ng MSMEs at pagbubukas ng mas maraming oportunidad para sa mga lokal na negosyante.
Source: PIA CALABARZON