LEGAZPI CITY-Nakapag-rehistro nin ginatos na rockfall events asin sunod-sunod na pagyugo sa Bulkang Mayon sa nakalihi na magdamlag, kasabay kan padagos na pagalburuto kaini.
Basado sa pinakabagong bulletin na ipinaluwas kan Philippine Institute of Volcanology and Seismology (PHIVOLCS) ngonian na Abril 26, nag-abot sa 238 na rockfall events asin 40 na volcanic earthquakes an naobserbaran sa bulkan.
Kaiba sa mga nairehistrong pagyugo, an 19 volcanic tremors.
Kinumpirma man kan ahensya na nagtetenir an maluluyang strombolian activity kan Bulkang Mayon.
Padagos man na nahihiling an pagdaloy kan lava sa mga gullies kan Basud, Bonga, asin Mi-isi.
Mientrastanto, nakapagbuga an bulkan nin nasa 1,673 tonelada kan sulfur dioxide kada aldaw, basado sa huring rekord kan Abril 25.
Angvolcanic plume naman hale sa crater kaini, uminabot na sa 900 metro an langkaw asin napapaduman sa west asin west-southwest harani sa Bulkan.
Mientras tanto, padagos an pagirumdum kan ahensya na ibitaran an paglaog sa 6km danger zone mantang nagtetenir sa alert level 3 an estado kan Bulkang Mayon.
Source: Bombo Radyo Legazpi