LEGAZPI CITY- Padagos na nairerehistro an mga panaka-naka asin maluluyang strombolian activity sa bulkang Mayon.
Afuera digdi, na-monitor man kan Philippine Institute of Volcanology and Seismology sa nakalihis na magdamlag an panandalian na lava fountaining
Sa presente, an ipigbulos na lava sa Basud gully an uminabot na sa 3.8 km mantang nasa 3.2km man sa Bonga gully asin 1.3km sa Mi-si.
Nasukol man sa nasabing bulkan an nasa 63 volcanic earthquakes asin 287 rockfall asin duwang pyroclastic density current.
Katakod kaini, mahigot man liwat na pigbabantayan an aktibidad kan Mayon volcano, na presenteng nasa alert level 3.
Source: Bombo Radyo Legazpi