Matagumpay na naidaos kan Lokal na Gobyerno kan Juban sa pangangaipo ni Mayor Rogel “Botox” Fulleros an Barangay Outreach/Barangayanihan Program sa Barangay Putingsapa ngunyan na Mayo 19, 2026.
Tinutuyo kan programa na direktang maihatod sa mga residente an mga pangunahing serbisyo kan gobyerno tanganing dae na sinda magbiyahe pa sa sentro kan banwaan para sana makalaog sa mga serbisyo kan munisipyo.
Nagserbi an nagkapirang opisina kan LGU asin mga katuwang na ahensya paagi sa paghatod nin legal consultation, medical asin dental services, social assistance, agricultural support, civil registry assistance, employment services, asin iba pang programang pampubliko.
Libre ring nagtao nin serbisyo si Municipal Administrator Atty. Relina D. Arellano para sa mga nangangailangan nin legal assistance, mantang an Municipal Health Office naghatod nin health consultation, blood typing, pharmacy assistance asin dental services.
Nagpaabot man nin ayuda asin suporta an MSWDO, PESO, Job Training Center, Municipal Agriculture Office, MENRO, Tourism Office, Population Office, asin iba pang tanggapan kan munisipyo.
Bilang kabtang kan wellness services, nagkaloob man an Mayor’s Office nin libreng gupit, hair coloring, manicure asin pedicure, kaiba pa an pamudmod nin libreng lawlaw sa mga residente.
Segun sa LGU Juban, an padagos na Barangayanihan Program nagpapakusog kan kampanya kan lokal na gobyerno na ilapit an serbisyo publiko sa lambang barangay asin mapaangat an kalidad kan pamumuhay kan mga Jubangnon.