I-endorso na kan Albay Electric Cooperative sa National Bureau of Investigation (NBI) an pagsusunad nin kaso sa mga indibidwal na nadakop na iligal na nagko-konsumo nin kuryente.
Segun ki ALECO Spokesperson Anj Galero sa intrevista kan Bombo Radyo Legazpi na nasa 142 na mga indibidwal an igwang iligal na koneksyon.
An nasabing datos an nadiskubre na may illegal connection puon Pebrero hasta Marso ngunyan na taon.
Paliwanag kan opisyal na an siring na iligal na mga koneksyon an nagpapalangkaw kan systems loss, na pigsasalo kan mga miyembros-konsumidores na nagbabayad kan saindang konsumo.
Alagad nilinaw man ni Galero na kun makakapag settle kan saindang konsumo o balanse asin magigin legal an koneksyon kan nasabing mga persona, posible pang mahali an pangaran kan mga ini sa pwedesir na kasuhan.
Dapat suboot na makapag apply nin legal na koneksyon asin magbayad kan saindang arrears.
Ini an kasunod kan enot na patanid kan kooperatibe na aaksyunan an gabos na mga iligal na nagkokunsumo nin kuryente.
Source: Bombo Radyo Legazpi