Pigibahan kan satuyang District Agriculture Team si Senador Kiko Pangilinan asin si Camalig Mayor Caloy Baldo sa pagbisita sa mga paraoma na apektado kan grabeng drought sa Brgy. Comun, Camalig, Albay.
Personal na pigdangog kan satuyang team, kaiba si Senador Kiko Pangilinan asin Mayor Caloy Baldo, an mga agrangay asin eksperyensya kan satuyang mga paraoma, kaibahan na an kakulangan nin tubig para sa irigasyon, pagkaraot kan mga pananom, asin paglangkaw kan paragasto sa pag-uma.
Sa dai pa nahahaloy, nagpaabot nin tabang an satuyang team sa paagi kan Presidential Assistance for Farmers and Fisherfolk Program sa mga rice and corn farmers sa Camalig, Rapu-Rapu, Manito, Daraga, asin Legazpi.
Alagad aram nyato na kulang an ayuda sana, lalo na sa epekto kan drought asin iba pang hamon sa sektor nin agrikultura. Makikipag-koordinar asin makikipagtabangan kita sa manlaen-laen na dibisyon kan gobyerno para mas matawanan nin mas dakul na suporta, programa, asin konkretong tabang an satong mga paraoma.
Dios mabalos po kay Senador Kiko Pangilinan sa saiyang padagos na adbokasiya para sa karahayan asin kabuhayan kan satuyang mga paraoma.