LEGAZPI CITY-Gadan sa pananaksak an sarong Kapitan sa Barangay Bantayan sa Tabaco City makalihis na saksakon kan saiya mismong ka-live in partner.
Segun kay Tabaco City Police Station Chief of Police Police Lieutenant Colonel Virgil Bibat, sa intrevista kan Bombo Radyo Legazpi na nangyari ini kansubanggi, Mayo 23, makalihis na apodan sinda kan hospital na igwang dinara na biktima kan pananaksak.
Tulos man na nagrespunde an saindang imbestigador asin napag araman na sarong incumbent barangay chairman an biktima.
Sinabi ni Bibat, na nagluwas sa imbestigasyon na nasaksak ini kan saiyang ka-live in partner mantang nagkakaigwa nin diskusyon.
Nag-ugat suboot ini kan may nahapot an suspek sa Kapitan asin ikinadagit man tulos ini hasta sa nagpang-abot sa saindang harong asin nauli sa pananaksak.
Tinamaan sa hita an Kapitan asin dinara pa sa ospital, alagad binawian na ini nin buhay.
Pigbeberipika pa sa ngonian kun an pananaksak an kawsa kan pagkagadan kan kapitan.
Mientras tanto, inaresto na an suspek asin narekober na kan mga otoridad an ginamit na kutsilyo.
Padagos man an pagkokondusir nin follow-up investigation kan mga otoridad mapadapit sa insidente.
Source: Bombo Radyo Legazpi