LEGAZPI CITY- Padagos an pagbabarewas kan Overseas Workers Welfare Administration (OWWA) Bicol nin asistensya sa pamilya kan mga Overseas Filipino Workers (OFWs) na apektado kan padagos na pag-aalburuto kan bulkang Mayon.
Segun ki OWWA Bicol Director Jenivie Aguallo sa intrevista kan Bombo Radyo Legazpi na kaibanan sa saindang pigtatao na asistensya iyo an 25 kilos nin bagas.
Basado sa datos, pigkakarkulong nasa poco mas o menos 1,800 an mga benepisyaryo kan nasabing asistensya.
Napag-araman na nakapagbartewas na sa banwaan kan Guinobatan asin target man ngunyan an nasa 500 na benepisyaryo hali sa pitong barangay sa banwaan kan Camalig, Albay.
Ipinaliwanag ni Aguallo na sakop kan ayuda an pamilya kan mga OFWs na residente kan mga lugar na apektado kan aktibidad kan bulkan.
Source: Bombo Radyo Legazpi